ആക്‌സിസ് ബാങ്ക് കൊച്ചി വണ്‍ കാര്‍ഡില്‍ നിരവധി ആനുകൂല്യങ്ങള്‍ പ്രഖ്യാപിച്ചു. ആമസോണ്‍ പേയുമായി സഹകരിച്ച്‌ റീചാര്‍ജുകള്‍, ബില്‍ അടയ്ക്കല്‍, യൂട്ടിലിറ്റി പെയ്‌മെന്‍റുകള്‍ തുടങ്ങിയവയ്ക്ക് വലിയ ഇളവുകള്‍ നേടാം. ഇതിനു പുറമേ ആക്‌സിസ് ബാങ്കിന്‍റെ ഡൈനിംഗ് ഡിലൈറ്റ് ആനുകൂല്യങ്ങള്‍ കൊച്ചി വണ്‍ കാര്‍ഡ് ഉപഭോക്താക്കള്‍ക്കും ലഭ്യമാക്കിയിട്ടുണ്ട്. ഇതിലൂടെ ഭക്ഷണ, പാനീയ ബില്ലുകളില്‍ ഇളവുകള്‍ നേടാം. എച്ച്‌ ആന്‍ഡ് സി സ്റ്റോഴ്‌സ്, ലുലു മാള്‍, മലബാര്‍ പ്ലാസ തുടങ്ങിയ റസ്റ്ററന്‍റുകള്‍ അടക്കം മുപ്പതിലേറെ സ്ഥാപനങ്ങളില്‍ കാര്‍ഡ് ഉടമകള്‍ക്ക് ആകര്‍ഷകമായ ആനുകൂല്യങ്ങള്‍ ലഭിക്കും.
